खमारीखोला लघु जलविद्युतको अध्यक्षमा शाही

स्काई न्यूज/ पुष ४, सुर्खेत ।
पश्चिम सुर्खेतको पञ्चपुरी नगरपालिका स्थित खमारीखोला लघुजलद्यिुत उपभोक्ता समितिको अध्यक्षमा सुरेन्द्रबहादुर शाही निर्वाचित भएका छन् । बाबियाचौरमा शनिबार प्राप्त मत परिणाम अनुसार शाहीले आफ्ना निकटत्म प्रतिद्वन्द्वी मानबहादुर बयकलाई ६ मतले पराजित गर्दे अध्यक्ष पदमा निर्वाचित भएका हुन् । निर्वाचिनमा शाहीले ४ सय २१ मत ल्याएर विजयी भएका छन भने उनका प्रतिद्वन्द्वी बयकले ४ सय १५ मत ल्याएका थिए । नयाँ नेतृत्वका लागि कांग्रेसबाट लालिगुराँस र नेकपाबाट डाँफे प्यानल चुनावी मैदानमा उत्रिएका थिए ।  उपभोक्ता समितिको नयाँ कार्यसमितिका लागि शुक्रबार भएको मतदानमा लोकतान्त्रिक प्यानलले वर्चश्व कायम गरेको छ । समितिको उपाध्यक्ष कविराज कँडेल, सचिव धर्मराज खनाल, कोषाध्यक्ष चन्द्रादेवी खनाल, तथा सदस्यहरुमा रणबहादुर खत्री, गोपी तिरुवा, रमेशकुमार कँडेल, गंगा मगर, नरबहादुर तारामीमगर, तेजबहादुर सार्की र रमेश शाही निर्वाचित भएका छन् । १ हजार १ सय ८२ मतदात रहेको समितिमा आठ सय ८० मत खसेकोमा ३० मत बदर भएका थिए । निर्वाचन समितिका अनुसार विजयी टिमलाई आईतबार नै सपथ ग्रहण गर्ने कार्यक्रम तय भएको छ ।