प्रधानमन्त्रीको सम्बोधन ३ बजे

पुस ६,काठमाडौं ।
प्रधानमन्त्री केपी शर्मा ओली पछिल्लो राजनीतिक घटनालगायत विषयमा आज अपराह्न ३ बजे देशवासीका नाममा सम्बोधन गर्ने भएका छन् । प्रधानमन्त्री निवास बालुवाटारमा हुने सम्बोधनको नेपाल टेलिभिजनका चारवटा च्यानल नेपाल टेलिभिजन, एनटीभी न्युज, एनटी इटहरी र एनटीभी कोहलपुरबाट दिउसो ३ बजेपछि प्रत्यक्ष प्रसारण हुनेछ । प्रतिनिधिसभा विघटन भई ताजा जनादेशका लागि नयाँ निर्वाचनको मिति आइतबार तय भएपछि सो विषयमा प्रधानमन्त्रीले स्पष्ट पार्न लागेका उनका प्रेस सल्लाहकार सूर्य थापाले जानकारी दिए। आजै प्रधानमन्त्री ओलीले नेपाल कम्युनिष्ट पार्टी (नेकपा) का स्थायी कमिटी सदस्य र निवर्तमान सांसद्सँग बालुवाटारमा परामर्श गरेका थिए ।