पश्चिम भेगबाट भित्रियो हिउँदे वर्षा

माघ २३,काठमाडौं ।
पश्चिमी न्यून चापीय प्रणालीको प्रभावका कारण मौसममा बदलाब आएको मौसम पूर्वानुमान महाशाखाले जनाएको छ । विहान सुदूरपश्चिम, कर्णाली प्रदेश, गण्डकी प्रदेश र लुम्बिनी प्रदेशमा सामान्य वदली रहेको छ भने वाग्मती प्रदेशमा आंशिक बदली रहेको छ । यो प्रणाली पूर्वतर्फ सर्ने क्रममा रहेको र दिउँसोसम्म काठमाडौं आइपुग्ने मौसमविद् मीन कुमार आर्यालले जानकारी दिए । आज दिउँसो देशभर आंशिकदेखि सामान्य बदली रहनेछ । सुदूरपश्चिम प्रदेश, कर्णाली प्रदेश, गण्डकी प्रदेश, लुम्बिनी प्रदेशका धेरै स्थानमा तथा प्रदेश १ र वाग्मती प्रदेशका केही स्थानमा हल्कादेखि मध्यम वर्षा हुने संभावना रहेको आर्यालले बताए ।देशका उच्च पहाडी र हिमाली भू–भागका धेरै स्थानमा हल्कादेखि मध्यम हिमपातको सम्भावना रहेको छ ।

हालको अवस्था
हाल देशको पश्चिमि तराईका अधिकांश स्थानहरुमा वदलि भएको छ र पुर्वका एक दुइ स्थानमा हल्का कुहिरो लागेको छ।यस्तै आज राति देशभर आंशिकदेखि सामान्य बदली रहनेछ । सुदूरपश्चिम प्रदेश, कर्णाली प्रदेश, लुम्बिनी प्रदेश, गण्डकी प्रदेश र वाग्मती प्रदेशका पहाडी भू–भागका धेरै स्थान तथा प्रदेश १ का केही स्थानमा हल्का वर्षाको संभावना रहेको छ । उच्च पहाडी तथा हिमाली भु भागका केही स्थानहरुमा हल्का हिमपात तथा सुदूर पश्चिम प्रदेश, कर्णाली प्रदेश, गण्डकी प्रदेश, लुम्बिनी प्रदेश, प्रदेश न १ र बागमती प्रदेशमा वदली भै हल्का देखि मध्यम बर्षाको सम्भावना रहेकोले चिसोबाट बच्न आवश्यक सतर्कता अपनाउनु हुन सबैमा अनुरोध गरेको छ ।