काठमाडौंमा प्रचण्ड-नेपाल समुहको विरोध सभा

माघ २८,काठमाडौं ।
प्रतिनिधि सभा विघटनको विरुद्दमा नेकपा प्रचण्ड(माधव नेपाल समुहले आज राजधानी काठमाडौंमा विरोध सभाको आयोजना गर्दैछ । भृकुटीमण्डपस्थित सडकमा हुने विरोध सभाका लागि यतिखेर राजधानीका विभिन्न भागबाट जुलुशहरु निस्कन थालेका छन । जुलुशका कारण काठमाडौं र ललितपुरका सडकहरुमा विहान १० बजेदेखि सडकमा ट्राफिक जाम बढेको छ । ट्राफिक व्यवस्थापन गर्न ट्राफिक प्रहरीलाई हम्मेहम्मे परेको छ ।

विरोध सभामा जाने जुलुशको रुट निर्धारण गरिएपनि भित्रिबाटोबाट समेत जुलुश निस्किएपछि भित्रि गल्ली र बाटोहरुमा सवारी साधन जाममा परेका छन । आजको विरोध सभालाई नेकपा प्रचण्ड–माधव नेपाल समुहका शीर्ष नेताहरुले सम्बोधन गर्नुहुने कार्यक्रम छ । प्रतिनिधि सभा विघटन भए लगत्तैदेखि यो समूहले विरोध कार्यक्रमहरु गर्दै आएको छ ।