कामना सेवा विकास बैंकद्वारा वीरेन्द्र चोक स्थित प्रहरी विट हस्तान्तरण

स्काई न्यूज/ जेठ २०, सुर्खेत ।  कामना सेवा विकास बैंकले प्रहरी विट मर्मत गरी हस्तान्तरण गरेको छ । बैंकले आन्दोलनकारीद्वारा तोडफोड गरी फालिएका प्रहरी विटलाई मर्मत गरी प्रहरीलाई नै हस्तान्तरण गरेको हो ।

सामाजिक उत्तरदायित्व अन्तर्गत वीरेन्द्रनगर बजार क्षेत्रका विभिन्न चोकमा तोडफोड गरी फालिएका प्रहरी विटलाई मर्मत गरी प्रहरीलाई हस्तान्तरण गरिएको बैंकका सुर्खेत शाखा प्रबन्धक रवि ढकालले जानकारी दिए ।

उनले मुनाफा केन्द्रित व्यवसायमा मात्र सीमित नभई बैंकले विभिन्न समयमा सामाजिक उत्तरदायित्व अन्तर्गत रचनात्मक तथा सृजनात्मक क्रियाकलापहरु गर्दै आईरहेको बताए । प्रहरी विट हस्तान्तरण कार्यक्रममा बैंकका शाखा प्रबन्धक ढकाल, कर्जा प्रमुख उमेश थापा, प्रहरी सहायक निरीक्षक संदीप ओलीलगायतको सहभागिता रहेको थियो ।