कर्णालीमा थप १ सय जनालाई कोरोना संक्रमण

स्काई न्यूज जेठ २३, सुर्खेत ।
कर्णालीमा शुक्रबार थप १ सय जनामा संक्रमण देखिएको छ । योसँगै कर्णाली प्रदेशमा संक्रमितको संख्या ४ सय ८९ पुगेको प्रदेशको सामाजिक विकास मन्त्रालयले जनाएको छ । शुक्रबार पुष्टि भएकामध्ये ९१ जना दैलेखका छन् । जुम्लाका ३ जना र सुर्खेत, हुम्ला तथा जाजरकोटका १र१ जनामा संक्रमण पुष्टि भएको छ । हाल कर्णालीमा रहेका गोरखा, रामेछाप र दोलखाका ३ जनामा पनि संक्रमण देखिएको सामाजिक विकास मन्त्रालयद्वारा जारी विज्ञप्तिमा उल्लेख छ । कर्णाली प्रदेशको डोल्पा र रुकुम पश्चिम बाहेक सबै जिल्लाहरुमा कोरोना संक्रमण देखिएको छ ।