कर्णालीमा आज ३३ जना डिस्चार्ज

स्काई न्यूज /मंसिर २७, सुर्खेत ।
कर्णाली प्रदेशमा आज ३३ जना कोरोना संक्रमित निको भई डिष्चार्ज भएका छन् । हालसम्म प्रदेशबाट कोरोना जितेर घर फर्किनेको संख्या ६ हजार ६ सय ७ रहेको कर्णाली प्रदेश समाजिक विकास मन्त्रालय स्वास्थ्य सेवा महाशाखाले जनाएको छ । प्रदेशभर नयाँ संक्रमितसहित आइसोलेसनमा रहेका र रहने क्रममा रहेका संक्रिय विरामीको संख्या भने २ सय ९१ जना रहेको छ । शनिबार सुर्खेतका ३ जना र अन्य प्रदेशका ३ जना गरि कुल ६ जना नयाँ कोरोना संक्रमित प्रदेशमा थपिएका छन् । यो सँगै कर्णालीमा कोरोना संक्रमित हुनेको संख्या ७ हजार ६२ पुगेको समाजिक विकास मन्त्रालयका स्वास्थ्य शिक्षा अधिकृत नवराज कँंडेलले जानकारी दिए । उनका अनुसार कर्णालीमा कोरोनाबाट हालसम्म मृत्यु हुनेको संख्या २१ पुगेको छ ।