त्रि–देशीय टी–२० क्रिकेट सिरिजको उपाधि नेपाललाई

बैशाख ११, काठमाडौं । त्रि–देशीय टी–२० क्रिकेट सिरिज अन्तर्गत शनिबारको खेलमा नेपालले नेदरल्याण्डस्लाई १ सय ४२ रनले पराजित गर्दै नेपालले उपाधि हासिल गरेको छ । नेपालले नेदरल्याण्डस् सामु २ सय ३९ रनको लक्ष्य प्रस्तुत गरेको थियो ।

कीर्तिपुर स्थित त्रिवि क्रिकेट मैदानमा टस हारेर पहिले ब्याटिङ गरेको नेपालले उत्कृष्ट ब्याटिङ गर्दै निर्धारित २० ओभरमा ३ विकेटको क्षतिमा २ सय ३८ रन बनाएको थियो । नेपालले बनाएको यो स्कोर अन्तर्राष्ट्रिय टी ट्वान्टि क्रिकेटमा कीर्तिमानी स्कोर हो ।

जवाफी ब्याटिङ गरेको नेदरल्याण्डस् ले १७ दशमलव २ ओभरमा आफ्नो सबै विकेट गुमाउँदै ९६ रन मात्र बनाउन सफल भयो ।