सुर्खेतमा अबैध सुर्तीसहित एक व्यापारी पक्राउ

स्काई न्यूज /बैशाख २७, सुर्खेत ।
सुर्खेत प्रहरीले अवैध रुपमा भारतबाट ल्याईएको सुर्तीसहित एक जना व्यापारीलाई पक्राउ गरेको छ । प्रहरीले (आज) सोमबार २० बोरा भारतीय सुर्ती ‘सुपरपावर’ र म्याद नाघेका पटकासहित वीरेन्द्रनगर–३, नयाँ मार्ग टोलस्थित यूनिसा खाद्य स्टोरका सञ्चालक बमबहादुर रोकायलाई पक्राउ गरेको हो । पक्राउ परेका रोकायले ५ बोरा स्टोरमा र १५ बोरा भारतीय सुर्ती घरमा लुकाई छिपाई राखेको अवस्थामा वरामद गरिएको नगर प्रहरी कार्यालय सुर्खेतका प्रहरी निरीक्षक नेत्र बुढाले जानकारी दिए । उनले पक्राउ परेका रोकायले बरामद सुर्ती र पटाका आफ्नो नभएको बयान दिएपछि थप अनुसन्धान अघि बढाईएको बताए । अबैध भारतीय सुर्ती निषेधाज्ञाको समयमा सुर्खेतलगायत कर्णालीका विभिन्न जिल्लामा लुकाई छिपाई महँगोमा विक्री वितरण हुँदै आएको छ ।