ट्रकले मोटरसाइकललाई ठक्कर दिँदा दुई जनाको मृत्यु

नवीन गिरी / नेपालगन्ज । बाँकेमा ट्रकले मोटरसाइकललाई ठक्कर दिँदा मोटरसाइकलमा सवार दुई जनाको मृत्यु भएको छ ।

पूर्व पश्चिम राजमार्ग अन्तर्गत राप्तीसोनारी गाउँपालिका वडा नम्बर १ सिक्टामा पूर्वबाट पश्चिमतर्फ जाँदै गरेको ना ६ ख ६७९९ नम्बरको ट्रकले विपरीत दिशातिर जाँदै गरेको लु ६८ प १८२२ नम्बरको मोटरसाइकललाई आज बिहान साढे सात बजेतिर ठक्कर दिँदा गम्भीर घाइते भएका बर्दिया बाँस गढी ८ का २२ वर्षीय चेतन बोहोरा र २४ वर्षीय प्रदीप चौधरीको नेपालगन्ज मेडिकल कलेज कोहलपुरमा उपचारका क्रममा मृत्यु भएको बाँके प्रहरीले जनाएको छ ।

घटनापछि प्रहरीले ट्रकलाई नियन्त्रणमा लिएर अनुसन्धान प्रक्रिया अगाडि बढाएको छ ।