महानायक राजेश हमाल दम्पती लिटमस केबलको ब्राण्ड एम्बेसडर नियुक्त

कम्पनीले हालै नयाँ संरचनाको विकास गरी आफ्ना विभिन्न उत्पादनहरु बजारमा बिक्री वितरण गर्दै आइरहेको छ।

चार दशकदेखि विभिन्न प्रकारका तार र केबलहरू उत्पादन गर्र्दै आएको यस कम्पनीले हालै जर्मन प्रविधियुक्त नयाँ एड्भान्स मेसिनहरुबाट आफ्ना उत्पादन गर्दै आएको जनाएको छ ।

यससँगै कम्पनीले आफूलाई नेपालकै अग्रणी एवं ठूलो कम्पनी बन्न सफल भएको दावी गरेको छ ।

‘कम्पनीले निरन्तर गुणस्तरीय उत्पादनमा केन्द्रित भई गुणस्तरमा नम्बर १ रहनको लागि हालै एड्भान्स जर्मन प्रविधियुक्त मेसिनहरुको प्रयोगसमेत गर्दै आइरहेको र नेपालको सबैभन्दा ठूलो केबल निर्माता कम्पनी बन्न सफल भएका छौं’, कम्पनीका अध्यक्ष तथा प्रबन्ध निर्देशक रोहित गुप्ताले भने ।

त्यस्तै महानायक हमालले ब्राण्ड एम्बेसडरमा नियुक्त गर्नुअगाडि कम्पनीका विभिन्न उत्पादन युनिटहरुको अवलोकन एवं जानकारी हासिल गरेको जानकारी दिए ।

‘वास्तवमै यस्तो एड्भान्स जर्मन प्रविधिको प्रयोग गरी यति ठूलो क्षेत्रफलमा विद्युत केबल उत्पादन गर्ने सम्भवतः यो नै पहिलो नेपाली कम्पनी हो भनेर हामी विश्वस्त भयौं’, उनले भने ।

कम्पनीका केबलहरुको प्रयोगले विद्युत बिललाई समेत घटाउने दावी कम्पनीले गर्दै आएको छ । (देश सञ्चार)