निरन्तर घट्न थाल्यो सुनको मूल्य

असोज ८, काठमाडौं ।
नेपाली बजारमा पछिल्लो केहि दिनयता सुनको मूल्य निरन्तर रुपमा ओरालो लाग्न थालेको छ । नेपाल सुनचाँदी व्यवसायी महासंघका अनुसार बिहीवार पनि सुनको मूल्य तोलामा रू।१ हजार २०० घटेको छ । महासंघका अनुसार छापावाल सुनको मूल्य प्रतितोला रू. ९३ हजार १०० मा कारोबार भइरहेको छ । त्यसैगरी तेजावी सुनको मूल्य प्रतितोलाको रू.९२ हजार ६०० कायम भई कारोबार भइरहेको छ ।बुधवार भने छापावाल सुनको मूल्य प्रतितोला रू. ९४ हजार ३०० मा कारोबार भएको थियो भने तेजावी सुनको मूल्य प्रतितोला रू. ९३ हजार ८०० मा कारोबार भएको थियो । त्यस्तै चाँदीको मूल्य भने प्रतितोला रू.१ ह्जार १२० मा कारोबार भइरहेको छ । बुधवार चाँदीको मूल्य भने प्रतितोला रू.१ हजार १९० मा कारोबार भएको थियो । गत आइतवार सुनको मूल्य केहि स्थितर रहेता पनि सोमवारदेखि सुनको मूल्य निरन्तर घटिरहेको छ । अन्तरराष्ट्रिय बजारमा सुनको मूल्यम गिरावट आइरहेकाले त्यसको प्रत्यक्ष असर नेपालमा परेको सुनचाँदी व्यवसायीहरुले बताएका छन् ।