कालीकोट । कालीकोटको पचालझरना गाउँपालिका-९ स्थित तिखाली भीरबाट लडेर एक वृद्धको ज्यान गएको छ ।
पचालझरना गाउँपालिका वडा नम्बर-९ का ६६ वर्षीय धिरबहादुर शाहीकाे मृत्यु भएको हाे । उनी मंगलबार दिउँसो १ बजे पानी कुलोमा काम गर्ने क्रममा लडेर गम्भीर घाइते भएका थिए ।
प्रहरीका अनुसार उनलाई उपचारका लागि अस्पताल लैजाने क्रममा रास्कोटमा उनको मृत्यु भएको हाे । घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति : २०८१ साउन ८ गते मंगलबार
