सुर्खेत । कर्णाली प्रदेशका मुख्यमन्त्री मंगलबहादुर शाहीले विश्वासको मत प्राप्त गरेका छन् ।
बुधबार बसेको प्रदेश सभा बैठकमा मुख्यमन्त्री शाहीले विश्वासको मतसम्बन्धी राखेको प्रस्ताव बहुमतले पारित भएको हो । गएको १२ साउनमा नेकपा एमालेको समर्थनमा मुख्यमन्त्री नियुक्त भएका नेपाल कम्युनिष्ट पार्टी (नेकपा) कर्णाली प्रदेश सभा संसदीय दलका नेता शाहीले विश्वासको मत प्राप्त गरेका छन् ।
बैठकमा ४० मध्ये सभामुखबाहेक ३६ सांसदले मतदान गरेका थिए । त्यसमा मुख्यमन्त्री शाहीको पक्षमा २१ र विपक्षमा १३ जना सांसदले मतदान गरेका हुन् ।
दुई जना तटस्थ बस्नुका साथै तीन जना बैठकमा उपस्थित भएनन् । कर्णाली प्रदेश सभामा सरकार बनाउन २१ सांसद आवश्यक पर्छ ।
प्रकाशित मिति : २०८३ भदौ ३ गते बुधबार
