टिकटक बनाउँदा कुपिण्डे तालमा युवा बेपत्ता

साउन १०, सल्यान । सल्यानमा टिकटक बनाउने क्रममा चिप्लिएर लड्दा एक युवा कुपिण्डे तालमा बेपत्ता भएका छन् । जिल्लाको कपुरकोट गाउँपालिका –६, सिनवाङ घर भएका हाल दाङ तुलसीपुर उपमहानगरपालिका ६ बस्ने अन्दाजी ३७ वर्षको वेद बहादुर बस्नेतले बेपत्ता भएका हुन ।

मंगलबार दिउँसो साथीहरूसँग तालको छेउमा टिकटक बनाई रहेको अवस्था चिप्लिदा उनी तालमा डुबेर बेपत्ता भएको जिल्ला प्रहरी कार्यालय सल्यानले जनाएको छ । उनको खोजी कार्य भइरहेको जिल्ला प्रहरी कार्यालय सल्यानका प्रहरी प्रमुख सुमित खड्काले जानकारी दिए ।