रेडक्रस सालकोटको सभापतिमा विसी

स्काई न्यूज /पुस ८, सुर्खेत । नेपाल रेडक्रस सोसाइटी उपशाखा सालकोटको सभापतिमा यामबहादुर विसी निर्वाचित भएका छन् । उपशाखाको शुक्रबार सालकोटमा सम्पन्न सातौं अधिवेशनले सभापतिमा विसीलाई र्निविरोध निर्वाचित गरेको हो । अधिवेशनबाट शाखाको  उपसभापतिमा कुस्माकुमारी आचार्य, सचिव रेशमबहादुर शाही, उपसचिव गोकलप्रसाद जैसी कोषाध्यक्ष कमला भण्डारी, उपकोषाध्यक्ष गंगाराम ढ्याङ्गा तथा सदस्यमा मोतिलाल कँडेल, नरबहादुर बुढा, सुमित्रा आचार्य, मोहन रावल एवं पूर्णचन्द्र पौडेल निर्वाचित भएका छन् ।

नवनिर्वाचित कार्यसमितिलाई नेपाल रेडक्रस सोसाइटी सुर्खेतका सभापति रामलाल आचार्य, मन्त्री प्रदिप्त पौडेल, कोषाध्यक्ष चेतन सुवेदीले सफल कार्यकालको शुभकामनासहित बधाई दिए । उनीहरुले रेडक्रसले सामाजिक उत्तरदायित्वसहित समाज परिवर्तनका लागि प्रभावकारी भूमिका खेल्न आवश्यक रहेको औल्याए । अविवेशनमा रेडक्रस सुर्खेत शाखाका सदस्य तिलकराम अधिकारी तथा रेडक्रसकर्मी एब समाजसेवी डिल्लिराम न्युरे लगायतले शुभकामना मन्तव्य राखेका थिए ।