दैलेखमा टिप्पर दुर्घटना हुदा एक जनाको मृत्यु
स्काई न्यूज / पुस १९, सुर्खेत । दैलेखको दुल्लुमा टिपर दुर्घटना हुँदा १ जनाको मृत्यु भएको छ भने २ जना घाइते भएका छन् । मध्यपहाडी राजमार्गअन्तर्गत दुल्लु नगरपालिका–९, मा पर्ने गोबे धारामा सोही नगरपालिकाको भे. १ ग ७७ नम्बरको टिपर मंगलबार दुर्घटना हुँदा सियालाका २८, वर्षीय धनबहादुर बुढाको घटनास्थलमै मृत्यु भएको जिल्ला प्रहरी कार्यालयले दैलेखले जनाएको छ ।
प्रहरीका अनुसार दुल्लु नगरपालिका–९, नम्बर वडा कार्यालयको सामग्री पुर्याएर कार्यालय फर्कने क्रममा दुर्घटना भएको हो । बुढा नगरपालिकाका कर्मचारी थिए । टिपर सडकबाट करिब १५० मिटर तल खसेको छ । घाइते दुवैको दुल्लु अस्पतालमा उपचार भइरहेको छ । उनीहरु सबै दुल्लु नगरपालिकामा कार्यरत कर्मचारी हुन् ।