काठमाडौं । विश्वको सबैभन्दा ठूलो तेल निर्यातक साउदी अरेबियाले तेलको मूल्य प्रतिब्यारेल १०० अमेरिकी डलर पुर्याउने आफ्नो लक्ष्य त्याग्ने र डिसेम्बरदेखि तेल उत्पादन बढाउने तयारी गरेको समाचार सार्वजनिक भएपछि बिहीवार तेलको मूल्यमा ३ प्रतिशतभन्दा बढीको गिरावट आएको रोयटर्सले जनाएको छ ।
ब्रेन्ट कच्चा तेलको मूल्य प्रतिब्यारेल १.८६ डलर अर्थात् २.५३ प्रतिशतले घटेर प्रतिब्यारेल ७१.६० डलरमा झरेको छ ।
यस्तै अमेरिकी वेस्ट टेक्सास इन्टरमिडिएट (डब्लुटीआई) कच्चा तेलको मूल्य प्रतिब्यारेल २.०२ डलर अर्थात् २.९ प्रतिशतले घटेर ६७.६७ डलर प्रतिब्यारेलमा झरेको छ ।
रोयटर्सका अनुसार यस वर्ष तेलको मूल्यमा करीब ६ प्रतिशतले गिरावट आएको छ, यसको मुख्य कारण अमेरिकामा उत्पादनमा वृद्धि र चीनमा कम माग वृद्धि हो।
यसबाहेक, लिबिया र साउदी अरबबाट थप आपूर्तिको सम्भावनाले मूल्य घटाउने अपेक्षा गरिएको छ।
समाचार एजेन्सी रोयटर्सका अनुसार साउदी अरेबियाले तेल उत्पादन बढाउने योजना बनाइरहेका बेला केही ठूला विश्वव्यापी घटनाहरू नघटेसम्म यस वर्ष तेलको मूल्य अझै घट्ने सम्भावना छ।
नेपालमा भारतबाट पेट्रोलियम पदार्थ आयात गर्ने नेपाल आयल निगमले इन्डियन आयल कर्पोरेसन (आईओसी)ले उपलब्ध गराएको मूल्यसूचीअनुसार तेलको मूल्य निर्धारण गर्ने गरेको छ । पेट्रोलियम पदार्थको पनि आयात गर्ने भारतले अन्तरराष्ट्रिय बजारका आधारमा मूल्य समायोजन गर्छ । एजेन्सीको सहयोगमा
