सुर्खेत । सुर्खेतमा फोर्स गाडी दुर्घटनामा एक जनाको मृत्यु भएको छ भने १२ जना घाईते भएका छन् ।
दैलेखदेखि सुर्खेत आउँदै गरेको कर्णाली प्रदेश ०२००१ ख– ०४१९ नम्बरको फोर्स गाडी आज दिउँसो वीरेन्द्रनगर–२, घोडालोटेमा दुर्घटना हुँदा सुर्खेतको बराहताल गाउँपालिका–५ की २८ वर्षीया भावना लामिछानेको मृत्यु भएको जिल्ला ट्राफिक प्रहरी कार्यालय सुर्खेतले जनाएको ।
मृत्तक लामिछानेको उपचारका क्रममा मृत्यु भएको जिल्ला ट्राफिक प्रहरी कार्यालय सुर्खेतका प्रमुख वकिल सुनारले जानकारी दिए ।
उनका अनुसार गाडी अनियन्त्रित भएर सडकबाट १५ मिटर तल खसेको थियो । घाइतेहरुको सुर्खेतका विभिन्न अस्पतालमा उपचार भइरहेको छ । फोर्स गाडीमा १६ जना सवार रहेको प्रहरीले जनाएको छ ।
प्रकाशित मिति : २०८१ फागुन १५ गते बिहीबार
