भीरबाट लडेर एक जनाको मृत्यु

सल्यान । सल्यानमा भिरबाट लडेर एक वृद्धको मृत्यु भएको छ । जिल्लाको कपुरकोट गाउँपालिका ६ तारापोरेका ६४ वर्षिय शेरबहादुर बोहराको आईतबार दिउँसो २।३० बजे मृत्यु भएको हो ।

घरदेखि १५र२० मिटर पश्चिम पर्ने तारापाई भिरबाट लडेर वृद्धको घटनास्थलमै मृत्यु भएको जिल्ला प्रहरी कार्यालय सल्यानका सुचना अधिकारी तथा प्रहरी प्रवक्ता प्रहरी निरीक्षक भवानीप्रसाद धमलाले बताए । खाना खाएर आईतबार बिहान त्रिवेणी गाउँपालिका ५ सिम्ख गएको र घर फर्कने क्रममा उनी भिरबाट लडेका उनले जानकारी गराए ।

उनका अनुसार बोहरा भिरबाट अन्दाजी ५० मिटर तल खसेका थिए । घटनास्थलमा पुगेका ईप्रका लुहाम कार्यालयको टोलीद्वारा घटनाको अनुसन्धान गरिरहेको र मृतकको शव पोष्टमार्टमका लागि जिल्ला अस्पताल सल्यान ल्याउने तयारी भइरहेको उनले जानकारी दिए ।