गाडीको ठक्करबाट दुई पैदल यात्रुको मृत्यु

बाँके । बाँकेको नेपालगञ्जमा गाडीको ठक्करबाट दुईजना पैदल यात्रुको मृत्यु भएको छ । नेपालगञ्ज–१८ कारकाँदोमा सु–प–प–०१००१ च् ३४६४ नम्बरको स्कारर्पियो  गाडीले राति  १२ः४० बजेतिर पैदल हिँडिरहेका तीन जनालाई ठक्कर दिएको थियो । दुर्घटनामा अर्का एक जना घाइते भएका छन् ।

मृत्यु हुनेमा नेपालगञ्ज उपमहानगरपालिका–१३ की २४ वर्षीया आस्था शाह रहेकी छन् भने अर्का एकजना पुरुष रहेका छन् । उनको भने सनाखत हुन बाँकी रहेको जिल्ला प्रहरी कार्यालय बाँकेले जनाएको छ ।

दुर्घटनामा परी स्थानीय २५ वर्षीया सहाना शाह घाइते भएकी छन् । उनको नेपालगञ्ज मेडिकल कलेजमा उपचार भइरहेको छ ।

गाडीका चालक कैलाली, लम्किचुहाका रामराज जैसीलाई प्रहरीले नियन्त्रणमा लिएको छ । दुवै जनाको उपचारका क्रममा मृत्यु भएको प्रहरीले जानकारी दिएको छ ।