ब्लांकेटमा आगो सल्किँदा महिलाको मृत्यु

बाँके । बर्दियामा आगो ताप्दै गर्दा एक्कासि ब्ल्यांकेटमा आगो सल्किएर एक जना वृद्ध महिलाको मृत्यु भएको छ । राजापुर नगरपालिका–५ स्थित घरभित्रको कोठामा बुधबार आगो तापिरहेका बेला ब्ल्यांकेटमा सल्किएर ७५ वर्षीया सोहनी थारु घाइते भएकी थिईन् ।

घाइते थारुको उपचारका क्रममा नेपालगन्जमा मृत्यु भएको जिल्ला प्रहरी कार्यालय,बर्दियाका सूचना अधिकारी डिएसपी तिलकराम अर्यालले जानकारी दिए । घाइते थारुलाई पहिले उपचारका लागि जिल्ला अस्पताल गुलरिया लगिए पनि त्यहाँ उपचार सम्भव नभएपछि नेपालगन्ज रेफर गरिएको थियो ।