अछाममा भालुको आक्रमणबाट दुई जना घाइते

अछाम । अछाममा भालुको आक्रमणबाट दुई जना युवती घाइते भएका छन् । घाइते हुनेमा रामारोशन गाउँपालिका वडा नम्बर–५, सल्लीकोटका २० वर्षीया पार्वती शाह र १९ वर्षीया सरस्वती शाह रहेका छन् ।

खरमेला जाने क्रममा उनीहरुलाई भालुले आक्रमण गरेको वडा नम्बर– ५, का वडा अध्यक्ष केशरबहादुर शाहले जानकारी दिए । उनीहरूको अवस्था गम्भीर रहेकाले उपचारका लागि जिल्ला बाहिर लैजानको लागि सरोकारवालासँग सल्लाह गरेर हेलिकप्टरको व्यवस्था गरिरहेको जिल्ला प्रहरी कार्यालयका सूचना अधिकारी राजेन्द्र साउँदले बताए ।