मोटरसाइकल दुर्घटनामा परी चौरजहारीका केसीको घटनास्थलमै मृत्यु

सुर्खेत । छिन्चु–जाजरकोट सडकखण्डको छेडाबजार नजिकै आज विहान मोटरसाइकल दुर्घटना हुँदा चौरजहारीका भुवन केसीको मृत्यु भएको छ ।

नेपालगञ्जबाट जाजरकोटतर्फ जाँदै गरेको मोटरसाइकल र विपरीत दिशाबाट आउँदै गरेको कर्णाली प्रदेश ०३–००१ प ०३७९ नम्बरेको मोटरसाइकल एकआपसमा ठोक्किएर दुर्घटनामा परि रुकुम पश्चिमको चौरजहारी नगरपालिका–४, मनकोट घर भएका ३७ वर्षिय केसीको घटनास्थलमै मृत्यु भएको हो ।

प्रहरीका अनुसार मोटरसाइकल सडकबाट अन्दाजी १०० मिटर तल भेरी नदीमा खसेको थियो । कर्णाली प्रदेश ०३–००१ प ०३७९ नम्वरको मोटरसाईकल चालक आठविसकोट नगरपालिका–४, का ३० वर्षिय दिपक दाहाल र मोटरसाईकल प्रहरीले नियन्त्रणमा लिएको बताएको छ ।

मृतक केसीको मोटरसाईकल पछाडी बसेका चौरजहारी नगरपालिका–९, गुर्तालगाउँका १८ वर्षिय आषिसकुमार मल्ल र दाहाल सामान्य घाईते भएको प्रहरीले जनाएको छ । प्रहरीका अनुसार केसीको शवलाई भेरी नदीमा माछामार्नेहरु निकालेका हुन् ।