इरानलाई हराउँदै नेपाल काभा भलिबलको फाइनलमा
काठमाडौं । समूह चरणमा इरानसँगको हारको बदला लिँदै नेपाल काभा महिला नेसन्स लिग भलिबलको फाइनलमा पुगेको छ।
राष्ट्रिय खेलकुद परिषद्को कभर्ड हलमा मंगलबार भएको दोस्रो सेमिफाइनल खेलमा नेपालले इरानलाई ३ -० को सोझो सेटबाट हराउँदै फाइनलमा पुगेको हो।
नेपालले पहिलो सेट २५ -२१ , दोस्रो सेट २८- २६ तथा तेस्रो २५ -२० बाट जित्दै सोझो सेटमा हराएर फाइनलमा पुग्न सफल भएको हो। समूह चरणमा नेपाल इरानसँग प्रतिस्पर्धात्मक खेलमा ३-२ को सेटमा पराजित भएको थियो। आज सेमिफाइनलमा भने नेपालले लगातार ३ सेट जितेर उपाधिको बलियो दाबेदारी प्रस्तुत गरेकाे छ।
अब नेपालले भारतसँग उपाधिका लागि बुधबार खेल्नेछ। समूह चरणमा नेपालले भारतलाई ३-२ को सेटमा हराउँदै इतिहास रचेको थियो।
यस अघि आजै भएको पहिलो सेमिफाइनलमा भारत श्रीलङ्कालाई हराउँदै फाइनलमा पुगेको छ।