बङ्गलादेशमा संसद् विघटन

काठमाडौं । बङ्गलादेशमा संसद् विघटन भएको छ । राष्ट्रपति मोहम्मद शाहबुद्दिनले संसद् विघटन गर्नुभएको जानकारी दिँदै त्यहाँको राष्ट्रपति कार्यालयले एक विज्ञप्ति प्रकाशित गरेको छ।

हिजो प्रधानमन्त्री शेख हसिनाले पदत्याग गरी बङ्गलादेशबाट पलायन भएपछि सेना प्रमुख र राष्ट्रपतिद्वारा अन्तरिम सरकार गठन हुने घोषणा भएको थियो ।

सेनाले बनाएको सरकार मान्य नहुने भन्दै आन्दोलनरत विद्यार्थीहरूले तत्काल संसद् विघटनको माग गर्दै आएका थिए । उनीहरूले अर्थशास्त्री एवं नोबेल पुरस्कार विजेता मोहम्मद युनुसलाई अन्तरिम सरकारको नेतृत्व दिन माग गरेका छन्।