धरहरा चढ्न सर्वसाधारणको भिड
काठमाडौं । आज देखि धरहरा चढ्न खुला गरिएपछि सर्वसाधारणको सुनधारामा भिड लागेको छ ।
मन्त्रीपरिषद् बैठकले संविधान दिवस तथा राष्ट्रिय दिवसको अवसरमा आज देखि सर्वसाधारणलाई केही समय निःशुल्क धरहरा चढ्न खुला गर्ने निर्णय गरे अनुसार खुला गरिएको हो ।
प्रधानमन्त्री केपी ओलीको अघिल्लो कार्यकालमा भूकम्पबाट ढलेको धरहराको पुनर्निर्माण गरिएको थियो । पुरानो धरहरा नौ तलाको थियो भने पुनर्निमित्त धरहरा २२ तलाको छ ।
यसभित्र दुई वटा लिफ्ट राखिएको छ । अशक्त र वृद्ध वृद्धाले लिफ्टको सहयोगमा धरहरा चढ्न सक्ने छन् ।
