डा.ढकालसहित चार राजदूतले शपथ लिए

काठमाडौं । सुर्खेत निवासी डा.नरेशविक्रम ढकालसहित चार जना नवनिवयुक्त राजदूतहरुले पद तथा गोपनीयताको शपथ लिएका छन् ।

आज राष्ट्रपति रामचन्द्र पौडेलले नेपालका लागि विभिन्न चार देशमा नियुक्त राजदूतहरूलाई पद तथा गोपनीयताको शपथ ग्रहण गराएका हुन् । शपथ लिने नवनियुक्त राजदूतहरूमा संयुक्त राज्य अमेरिकाका लागि लोकदर्शन रेग्मी, संघीय गणतन्त्र जर्मनीका लागि डाक्टर शैल रुपाखेती, साउदी अरेबिया अधिराज्यका लागि डाक्टर नरेशविक्रम ढकाल र अष्ट्रेलियाका लागि चित्रलेखा यादव रहेका छन् ।

राष्ट्रपतिको कार्यालय शीतलनिवासमा आयोजित शपथ समारोहमा परराष्ट्रमन्त्री डाक्टर आरजु राणा देउवाको उपस्थित रहेको थियो ।