गगन थापाद्वारा कांग्रेस सभापतिबाट राजीनामा

काठमाडौं । नेपाली कांग्रेसका सभापति गगन थापाले पदबाट राजीनामा दिएका छन् । सभापति थापाले बुधबार उपसभापति विश्वप्रकाश शर्मासमक्ष राजीनामा पत्र बुझाएका हुन् ।

पार्टीका एक पदाधिकारीका अनुसार उक्त राजीनामाबारे भोलि बस्ने केन्द्रीय समिति बैठकमा छलफल हुने बताइएको छ। उनले दिएको राजीनामा पत्र हालसम्म सार्वजनिक गरिएको छैन । शुक्रबार दिउँसो १ बजेका लागि आह्वान गरिएको केन्द्रीय समिति बैठकले राजीनामा स्वीकृत गर्ने वा नगर्ने विषयमा निर्णय गर्नेछ ।

प्रतिनिधिसभा निर्वाचनमा पराजय भएपछि नैतिक जिम्मेवारी वहन गर्दै सभापति थापाले पदबाट राजीनामा दिएका हुन् । फागुन २१ गते सम्पन्न निर्वाचनमा उनी सर्लाही–४ बाट पराजित भएका थिए ।

निर्वाचन परिणामपछि पार्टीभित्र उनीप्रति आलोचना बढ्दै गएको थियो र राजीनामाको मागसमेत उठिरहेको थियो ।